Qui trovate le poesie che facevano parte del libretto originale intitolato Raccantando. da questo elenco trovate escluse tutte le poesie che sono entrate nella raccolta Dialettanti. Molte delle poesie che trovate qui non sono finite nei Dialettanti solo per problemi di spazio.
A volte bisogna fare di necessità virtù.
Le poesie che trovate qui non sono corrette ne sgrezzate, ma seguono la “reale” scrittura del Mengwee.
A volte bisogna fare di necessità virtù.
Le poesie che trovate qui non sono corrette ne sgrezzate, ma seguono la “reale” scrittura del Mengwee.
Raccantando
NEA CLESSIDRA DEL TEMPO
Nea clessidra del tempo
xe suto el soe de oggi,
e i passi dei veci
xe foie secche
te ghe camini sora
e quei… sfrigoa.
Nea clessidra del tempo
xe malà el soe de oggi
e le man dei veci
xe paette da castei
soeva sabbie de ricordi
che a marea…
… deboto…
se magna.
POCIO
La neve de montagna
ga una dignità nùtria
dal tempo e dalle impronte
dalla forsa candida
dal sprofondo morbido.
La neve de campagna
ga la
sostansa mimetica de la brina
la se sconde, la se giaza
la resiste tra le ombre
covertina dei semi.
La neve de città
la gà la sorpresa dei putei
la se allegra
ma co un destin
corto e incompreso
un fine oscuro de pocio pestà.
……
Ai grandi pupassi dei giorni normai
ghe sporca soeo e scarpe…
ma lori no lo sa
che xe là aposta!
GHETTO (sempre)
Bambini zoga sulla porta della morte
e mille oci più mille
se domanda: perché?
ANDAMENTO LENTO E COSTANTE
Me scusa giovinotto,
savaria spiegarme el 68?
… no.
Me scusa giovinotto,
savaria spiegarme el fassismo?
… no.
Me scusa giovinotto,
savaria spiegarme i magna putei?
I cossa ? … no.
Me scusa giovinotto,
savaria spiegarme l’imigrassion?
… no.
Me scusa giovinotto,
savaria spiegarme a guera nei Balcani?
… no.
Me scusa giovinotto,
savaria spiegarme el Grande Fradeo?
Ahh… ! no queo de Orwel vero?
ICS
Ics nel cieo
blu eterno
piste da sniffo
pa i angei,
coda de sogni
che poi sparisse.
ESPIRASION
Suada de forza
giovane corpo
te tiri tutto dentro
e ti sciopi
co un salto mortale
gran casin de teste
semenae xe el tuo !
butta fora tutto
fin che te poi.
Pa respirar
ghe xe tempo.
TRAVERSE
Se podessi
cercar delle vie …
delle traverse
da legarte atorno
… e sensa dubio
se va ?
amore mio
trovarte ogni momento
dirte che
un attimo fa
te pensavo
amore mio
dame un basetto
mentre ti ridi.
FUMO
L’animo coverto
da domande massa grande
la primavera
me riporta a fumar
la pipa,
sentà fora
sotto e foie nove
co i oci serai
a scoltar voci
a ricordar e …
… e no me sento
mai pronto.
PRIMO TEATRO
Gran casin oggi.
Me ricordo un
Buio sensa rumore
immagini lente
de mi puteo.
Legni che batte
teste che batte sui legni …
gera come un primo teatro
e no vedevo l’ora de morire !
Schicià sul muro
trafitto da un braccio teso
sbrisar, nel sonno.
Gera tutto semplice all’ora
Tutto beo
anca morire
anca rinassare.
SCONFORTI
Me nego
tra i ricordi
foto in bianco e nero
se squaia in un respiro
rotto e sensa ritmo.
Xe eterni i me tempi
come certe musiche de desso
xe soffi de tere del nord
capanne de erba
e un fogo sempre in ànema.
Voria un longo, longo, longo
respiro
parole lievi
dove posarme
dormire
farme caressar i cavei
e tutti xe contenti
anca se fora piove …
cussi me ritrovo chinà e stanco
me rode el cuore
no so chi me sostien
no so chi me salva
dal tempo dell’acqua.
DELIRIO DI UN POVERO FATTO
Me xe passa tuto davanti …
in pochi secondi
tutta a me vita,
come un rapido …
Mi voevo !
Voveo ciaparla al voeo
voevo ciaparla
come no go mai ciapà
a me vita sul serio !
E mentre me lanciavo
contro el sporteo …
STRACK !!!
tutta a me vita,
come un rapido …
se ferma !
de colpo, immobie
la me varda dritto nei oci
fissa ! …
ma cossa digo fissa
dondoea de qua e deà …
“ Santo Dio “ penso.
… e ga lo sguardo stuà
“ Santo Dio, no ! “
tira vanti na man de carità
“ Santo Dio, neanca desso
non me salvo
neanca desso redension “.
Ebete la me soride
me dise : “ ce l’hai mille lire ? “
…
ma va in cueo de to mare !
no go più un casso da darte
assame savio almanco adesso
che me manca un attimo
alla lucidità eterna !
SCURI
xe scuri
i pensieri drento
sbusa!
sbusa gli scuri!
QUARTO FIO
ghe xe la casa
parchegiada in riva alla strada,
de note pare a stessa
ma de giorno...
ghe xe –una– casa
che no xe più a me casa.
che no xe più tornei de calcio
e arena de fossi.
can che sbusa baoni e magna gaine.
orto de putei, de fradei
che na mama santa
no pol tegner vissini.
i xe diversi come gati
no ti pol privarghe
de attraversar la strada,
dove core come matti.
no xe più na vasca in meso al giardin.
no xe più la me casa,
la ga alberi novi
la ga gente nova
la ga una madonna impiantada
dove se bestemava...
e i putei? Dove xeli i putei?
e a legna del fogo
el leamaro, el ponaro
el dondoeo che dondoea?
dime papà: i te renderà
maton dopo maton, ogni momento?
i te renderà l'erba e el cemento?
i me renderà queo che gero?
passo, in macchina, vardo
a me casa, a me casa
adesso xe el viaggio
che fasso par tornar.
xe un tragitto
xe un tempo.
parchegiada in riva alla strada,
de note pare a stessa
ma de giorno...
ghe xe –una– casa
che no xe più a me casa.
che no xe più tornei de calcio
e arena de fossi.
can che sbusa baoni e magna gaine.
orto de putei, de fradei
che na mama santa
no pol tegner vissini.
i xe diversi come gati
no ti pol privarghe
de attraversar la strada,
dove core come matti.
no xe più na vasca in meso al giardin.
no xe più la me casa,
la ga alberi novi
la ga gente nova
la ga una madonna impiantada
dove se bestemava...
e i putei? Dove xeli i putei?
e a legna del fogo
el leamaro, el ponaro
el dondoeo che dondoea?
dime papà: i te renderà
maton dopo maton, ogni momento?
i te renderà l'erba e el cemento?
i me renderà queo che gero?
passo, in macchina, vardo
a me casa, a me casa
adesso xe el viaggio
che fasso par tornar.
xe un tragitto
xe un tempo.
LA COLPA
el bambin xe morto
el bambin de a mama
oseeto inciampà nel’aria
scaveyada malandrina
oci de rondine
vioin stonà.
passa el tempo
e me sento roverso.
RIME
Ghe xe cosse
drento un quor
che el mar no basa,
xe alte, sarae su un monte
mentre a vita te sorpassa.
cussi, fio mio
te piansi un poco
tra e tende dea finestra
mentre un tiro de vento
spostera el senso
da un giorno a un altro giorno
da un capo a staltro del mondo.
dove girito el capeo?
se qua, so, in strada
soghemo a no scoltarse,
e mai un giorno intero
dura tanto da sentirte dire:
“bravo fio, va in leto e riposa”…
dove vago? dove vago?
se tutto no fosse nebbia e stento
cossa canto? cossa canto?
se me ruba el tempo
e l’ingenuità de frasi
cantae con voce povera de vita.
ma… semo sensa esperiensa
e ti disi: “va ben, toi sta man e ‘ndemo
che da vivi vivremo
su un quor che mar no basa”
e par mi, par mi
grido al vento che mai,
mai morirò sconto
drio a paura
d’aver sbaià tutto.
e che el tempo tasa
drento un stento
a stento silensio
e tutti varderà
che da vivi vivremo
su un cuor che mar no basa.
COMUNE-MENTE
oggi so coverto
de faimento.
se bastasse un fià
de musica par farte
credar de esser svegio,
vivo… eh!..
xe che
ogni giorno che riva
xe un giorno copà
se bastasse l’animo
e l’intension tutti saria
tutto queo che i voe
e bastaria (davero)
pensare pa essere.
xe che
ogni moto che riva
xe un recin solitario.
se bastasse no sbaiare
pa rivarghe in bocca alla felicità
sarissimo tutti col sorriso.
xe che
el to giusto
no xe giusto pa staltri
e ciò che te credi
xe ciò che te speri.
e dunque?
assa perdare a verità
xe in man a chi
che no la gà.
credi sempre a queo
che te vivi
che e fortune
xe da pochi.
e no star a farte
troppe domande.
scumisia sempre da capo
finché no ti te stufi
e co ti te stufi…
no sta far ninte!
sta là, a vardare
e montagne.
e respira.
UN MONDO DI FAVOLE
Voria contarte solo favole
su sto mondo infame
ma, più serco le parole
più me perdo in croci
e in gente cattiva.
Tutto questo però
no te lo digo
lo tegno dentro de mi
lo digo ai grandi …
bambin mio
proprio perchè so
che el to mondo
sarà peso del mio
te conto l’impossibie.
Magari !
magari na fata
te regaeasse una magia
co la vita e l’allegria che serve …
credighe bambin
credighe sempre
no sta mai smettere
mai …
COMUNE-MENTE
Oggi so coverto
de faimento.
Se bastasse un fià
de musica par farte
credar de esser svegio,
vivo … eh ! …
Xe che
ogni giorno che riva
xe un giorno copà.
Se bastasse l’animo
e l’intension, tutti saria
tutto queo che i voe
e bastaria (davero)
pensare pa essere.
xe che
ogni moto che riva
xe un recin solitario
se bastasse no sabiare
pa rivarghe in bocca alla felicità
sarissimo tutti col soriso.
Xe che
el to giusto
no xe giusto pa staltri
e ciò che te credi
xe ciò che te speri.
E dunque ?
Assa perdare a verità
xe in man a chi
no la ga.
Credi sempre a queo
che te vivi
che e fortune
xe de pochi.
E no star a farte
troppe domande
scuminsia sempre da capo
finchè no ti te stufi
e co ti te stufi …
no sta far niente !
Sta là, a vardare
E montagne.
E respira.
Altriversi
DO KAPA
La cusina sforna mossaree
e piatti tipici
mentre nei tavoi
l’amore se squaia
in forme burrose…
Spalmà dall’afa
delle bone assioni
delle antiche promesse
dei fioi sensa pare.
CENERI
Go fumà l’ultimo respiro
del tempo vecio
che feicità tosi!…
se no fosse,
che sconto nea cenere del forneo
ghe gera un muso camuso…
rideva morto.
DOGE
Voevo sposarme col mar
ma, i me ga fato notare
che no te poi butar
roba in laguna…
…
i ga imparà a inquinarte
anca i sentimenti.
L’AMORE
Xe mille nature
Espresse nel silenzio,
el respiro de tutti i to sogni
na man tesa all’infinito
na man streta…
adesso!
SBIADISCE
La paxe
xe un strasso de arcobaen.
Se desfa, fio dopo fio
fin all’anema sua
e de chi la crede
vera
continua...
La porta di Howl
verso altri mondi
Il Muro del Pianto
verso altre parole
Home
verso casa
